लोगस्स सूत्र

लोगस्स उज्जोयगरे, धम्मतित्थयरे जिणे.

अरिहंते कित्तइस्सं, चउवीसंपि केवली ||

          उसभमजियं च वंदे, संभवमभिणंदणं च सुमइं च.

          पउमप्पहं सुपासं, जिणं च चंदप्पहं वंदे ||

सुविहिं च पुप्फदंतं, सीयंलसिज्जंस-वासुपुज्जं च.

विमलमणंतं च जिणं, धम्मं संतिं च वंदामि ||

          कुंथुं अरं च मल्लिं, वंदे मुणिसुव्वयं नमिजिणं च.

          वंदामि रिट्ठनेमिं, पासं तह वद्धमाणं च ||

एवं मए अभित्थुआ, विहुयरयमला पहीणजरमरणा.

चउवीसंपि जिणवरा, तित्थयरा मे पसीयंतु ||

         कित्तिय वंदिय महिया, जे ए लोगस्स उत्तमा सिद्धा.

         आरुग्ग-बोहिलाभं, समाहिवर - मुत्तमं दिंतु ||

चंदेसु निम्मलयरा, आइच्चेसु अहियं पयासयरा.

सागरवरगंभीरा, सिद्धा सिद्धिं मम दिसंतु ||